Retningsliner for bruk

Askrova Sauna er eit sjølvbetent tilbod som blir drive på dugnad av bygdelaget. For å booke og nytte badstua må du fylgje dei retningsliner som gjeld her:

All bading og bruk av badstua er på eige ansvar.

• Bading - Bad aldri aleine! Ha alltid med nokon som kan bistå om noko skulle skje når du bader. Hald deg alltid nær badestigen når du bader. Vær OBS på straumtilhøva - ved sterk straum: bruk line festa i land eller unngå å bade!
• Ha kun ferskvatn på ovnen - Dette er særs viktig slik at ovnen ikkje blir øydelagt. Ferskvatn kan fyllast frå dusj/vasslange ved "fiskemottaket".
• Handkle - Ha med to handkle pr person. Av hygieniske omsyn er det eine til å sitte på inne i badstua.
• Alkohol - Vi anbefaler generelt ikkje å kombinere alkohol med badstue eller bading. Ved privat booking (ikkje drop-in) er det likevel tillete med 2 einingar pr person. Unngå drykk som set farge på treverket. Det er ikkje tillete å drikke utanfor badstue/garderobe. Synleg rusa personer kan bli nekta adgang.
• Snacks - Medbrakt snacks kan nytast, men av hygieniske årsaker: ikkje spis inne i badstua.
• Toalett - Det er ikkje eige toalett tilknytt badstua. Urinering utanfor badstue/garderobe er av hygieniske årsaker ikkje tillete.
• Søppel - Rydd opp etter deg før du forlater badstua. Ta med heim eige søppel. Hald det fint og ryddig slik at det er klart til dei neste gjestene.